ഭ്രാന്ത്

-
ഇതിനൊന്നും മരുന്നില്ല കേട്ടോ ...
സമയം  എടുത്തേ മാറുകയുള്ളൂ ". ഡോക്ടർ കുറിപ്പടി എഴുതിക്കൊണ്ടു പറഞ്ഞു. അതിൽ രോഗിയുടെ സഹകരണം ആവശ്യമാണ്.
അവൾ നിശ:ബ്ദയായി ഡോക്ടറുടെ മുന്നിലിരിക്കുകയാണ് ...
ഞാൻ എന്റെ അവസ്ഥ ഓർത്തു ഹതാശനായി. 
കല്യാണത്തിനു മുൻപിതറിഞ്ഞിരുന്നുവെങ്കിൽ ഒരു പക്ഷെ ഇതിൽ നിന്നും ഒഴിവാകാമായിരുന്നു. ഇതിപ്പോൾ കല്യാണം കഴിഞ്ഞു. അവളാണെങ്കിൽ മൂന്നു മാസവും
അമ്മയാണിതിനു പിന്നിൽ ...
എല്ലാം അറിഞ്ഞു കൊണ്ട് എങ്ങനെ മകന്റെ ജീവിതം കൊണ്ട് പന്താടാൻ സാധിക്കുന്നു.
എല്ലാം എന്റെ വിധി ...
ഞാൻ നെടുവീർപ്പിട്ടു.
ഭ്രാന്തുള്ള ഭാര്യയെയും കൊണ്ടെങ്ങനെ ഇനി ജീവിതം മുന്നോട്ടു കൊണ്ടു പോകും ?
കുട്ടിയുടെ അവസ്ഥ എന്താകും ?
അതിനെ ഭ്രാന്തിയുടെ കുട്ടി എന്നല്ലെ ആൾക്കാർ കാണൂ.....?
ജനിക്കുവാൻ പോകുന്ന കുട്ടി ആ സ്റ്റിഗ്മ പേറിയല്ലേ ഇതി ജീവിക്കേണ്ടി വരിക..
അതിനെ അബോർട്ട് ചെയ്യുന്നതിനെക്കുറിച്ച് പറഞ്ഞപ്പോൾ ഡോക്ടർ കൊന്നില്ലെന്നേയുള്ളൂ..
ചീത്ത പറഞ്ഞ് ചെവി പൊട്ടിച്ചു ! ...
വിദ്യാഭ്യാസം ഉണ്ടായാൽ പോര, വിവരം കൂടി വേണം എന്നും ....
ഞാനാകെ ചൂളിപ്പോയി.
ഞാനനുഭവിക്കണം ആ അപമാനം .... ഒരു പ്രാണനെയല്ലേ സ്വാർത്ഥതപ്പുറത്ത് നശിപ്പിക്കുവാൻ ആവശ്യപ്പെട്ടത് ....
ഞാൻ കുറ്റബോധത്താൽ നീറി.
ഇല്ല എന്തു വന്നും, എത്ര കഷ്ടപ്പെട്ടും അതിനെ വളർത്തും... 

*******

ഈ മുറിക്കെന്തിനാണ് ഗ്രില്ലുകൾ ?
ഈ വരാന്തയെവിടേക്കു പോകുന്നു. !
അവരെന്താണ് തടവിലാക്കപെട്ടിരിക്കുന്നത്? 
ഞാനെന്തിനാണ് തടവിൽ?
എപ്പോഴാണ് ഞാൻ ജയിലിൽ ആക്കപ്പെട്ടത് .?
ആരെയാണ് ഞാൻ കൊന്നത്? എപ്പോഴാണ് ?
ശവശരീരം എവിടെ ?
ചുറ്റും ദുർഗന്ധം ?. ചീഞ്ഞ എലിയുടെ ഗന്ധം ...?
അല്ല , അതു മനുഷ്യശരീരം ചീഞ്ഞ ഗന്ധം തന്നെ
എത്രയോ ശവശരീരങ്ങൾക്ക് കാവൽ നിന്നിരിക്കുന്നു ...
 അന്നൊന്നും തോന്നാത്ത വിധം ദൂർഗന്ധം ...
സഹിക്കുവാൻ വയ്യ ....
വെള്ളക്കോട്ടിട്ട ആ പാറാവുകാരൻ ഇതെങ്ങനെ സഹിക്കുന്നു ?
അയാൾ പക്ഷേ മൂക്കുപൊത്തുന്നില്ലല്ലോ?
ആർക്കും എന്താണ് അനുഭവപെടാത്തത് ?
കട്ടിലിൽ ഇരിക്കുന്ന സഹതടവുകാരൻ നിസംഗതയിൽ ആഴ്ന്നു പോയോ?
അയാൾ ചെയ്ത കുറ്റമെന്താണ് ?
അതോ ..... ഈ നാറ്റം എനിക്കു മാത്രമോ?
ഓരോ നിമിഷം കഴിയുന്തോറും നാറ്റം വർധിക്കുന്നു ....
കട്ടിലിൽ ഇരുന്ന ആളോട് ചോദിക്കാം ...
അയ്യോ ....
ഞാൻ അലമുറയിട്ടു....
കട്ടിലിൽ ഉണ്ടായിരുന്ന ആൾ കിടക്കുകയാണ് ...
അയാളുടെ മൂക്കിൽ നിന്നും പുഴുക്കൾ വമിക്കുന്നു .... കണ്ണിൽ കൂടി ചോരയും പഴുപ്പും കൂടി വമിക്കുന്നു....
മൂക്കുപൊത്തി ഞാൻ പതുക്കെ ആ ശവശരീരത്തിന്റെ അടുത്തേക്കു ചെന്നു.
ഞാനടുത്തു ചെന്നതും ആ വികൃതമായ ശവശരീരം ചാടിയെഴുന്നേറ്റു...
അമ്മേ .... അയ്യോ ... രക്ഷിക്കണേ
ആ ശവം അലമുറയിട്ടു കൊണ്ട് ഗ്രില്ലിൽ പിടിച്ചു ബഹളമുണ്ടാക്കി ...
അയാളുടെ ശരീരം ആകെയിളകിയാടി...
വേറെയും കുറേ ശവങ്ങൾ ഞങ്ങളെ എത്തിനോക്കുന്നു ....
അവർ അട്ടഹസിച്ചു ...
ഗ്രില്ലുകൾ ഇളകുന്ന ശബ്ദം ആ കോറിഡോറിൽ അലയടിച്ചു....
കുറേ വെള്ളക്കോട്ടുകാർ .....
ഇവരെന്തിനാണ് എന്നെ പിടിക്കുന്നത് ? എന്നെ വിടൂ ... ശവ ശരീരം അവിടെയാണ് ... ആ ഗ്രില്ലിൽ അതു തൂങ്ങിയാടുന്നു ... 
എന്റെ കൈ .... തിരിക്കല്ലേ .... വേദനിക്കുന്നു
ആഹ്....
കാലുകൾ ..... കൈകൾ ..... 

*********

 നനുത്ത കരങ്ങൾ എന്നെ സ്പർശിച്ചു ...അതിൽ ഞാൻ സ്നേഹത്തിന്റെ മിടിപ്പ് തൊട്ടറിഞ്ഞു ...
 എന്റെ ഉന്മാദ അവസ്ഥയിൽ എന്നെ സഹിച്ചവളേ .....
എന്റെ കണ്ണുകൾ തിറഞ്ഞൊഴുകി ....
അവളുടെയും ....
"നോക്കൂ .... നമ്മുടെ മകൻ.."
അമ്മയുടെ കൈയിലിരുന്ന് ആ കുഞ്ഞു കണ്ണുകൾ എന്നെ നോക്കി .... ..
ഒരു പുതിയ ലോകം ആ കണ്ണുകളിൽ ഞാൻ കണ്ടു .

********




Comments

Post a Comment

Popular posts from this blog

ആത്മാവ് നഷ്ടപ്പെട്ട ശരീരങ്ങൾ

-
Image
നിയമപ്രകാരമുള്ള മുന്നറിയിപ്പ്: വായിച്ചു കിളിപോയാൽ ഞാനുത്തരവാദിയല്ല  "അവൾ ആത്മാവില്ലാത്ത ഒരു വെറും ശരീരം മാത്രമാണ്," റയാൻ ഡോക്ടർ അശോക് വർമ്മയോട് പറഞ്ഞു. അശോക് വർമ്മ തന്റെ മുമ്പിലിരിക്കുന്ന റയാനെ സൂക്ഷിച്ചുനോക്കി. റയാൻ ശൂന്യമായ കണ്ണുകളോടെ തന്റെ മുന്നിലിരിക്കുന്ന ടേബിളിലേക്ക് നോക്കിയിരുന്നു. അവന്റെ കൈകളിൽ നിന്ന്, രക്തം ഉണങ്ങിപ്പിടിച്ച പാടുകൾ ഇപ്പോഴുമുണ്ട്. അവന്റെ കൈകൾ വിറയ്ക്കുന്നുണ്ടായിരുന്നു. "റയാൻ, നിങ്ങൾ ഇങ്ങനെയുള്ള വാക്കുകൾ ഉപയോഗിക്കരുത്," ഡോക്ടർ വർമ്മ സൗമ്യമായി പറഞ്ഞു. "സത്യത്തിൽ എന്താണ് സംഭവിച്ചതെന്ന് കൃത്യമായി പറഞ്ഞാൽ എളുപ്പത്തിൽ ചികിത്സ തുടങ്ങാം." റയാൻ ഒരു ദീർഘനിശ്വാസമെടുത്തു. "ഡോക്ടർ, ഇത് ശരീരത്തിനോ മനസ്സിനോ ഉള്ള രോഗമല്ല. ഇത് ഇതിനും അപ്പുറത്തുള്ള എന്തോ ഒന്നാണ്." വർമ്മ റയാന്റെ മാനസികനില മനസ്സിലാക്കാൻ ശ്രമിച്ചു.  കഴിഞ്ഞ ആഴ്ച റയാൻ തന്റെ ഭാര്യയെ കുത്തിക്കൊല്ലാൻ ശ്രമിച്ചു. പോലീസ് ചോദ്യം ചെയ്യലിൽ, റയാൻ ഒരേയൊരു കാര്യം മാത്രമാണ് ആവർത്തിച്ചത്, "അവൾ എന്റെ ഭാര്യയല്ല, അവളുടെ ശരീരത്തിൽ മറ്റെന്തോ ഒന്നാണ്." പോലീസ് റയാനെ ഒരു മാനസികരോ...
Read more

മറഞ്ഞിരിക്കുന്ന ദംഷ്ട്രങ്ങൾ

-
Image
അമ്മാളു ചിരിച്ചു. സുന്ദരിയാണവർ വെളുത്ത തൊലിയുള്ളവൾ. അവളുടെ മുഖത്ത് മാഞ്ഞു പോയ യൗവനത്തെ തിരിച്ചു പിടിക്കുവാനുളള ശ്രമങ്ങൾ നടന്നിരുന്നു. പക്ഷെ അപ്പോഴും ആ വരിവൊത്ത പല്ലുകൾ അങ്ങനെ തന്നെയുണ്ടായിരുന്നു. ചുണ്ടുകൾക്കിടയിലൂടെ തെളിവാക്കുന്ന പല്ലുകൾ. വെളുത്ത പല്ലുകൾ തേറ്റപ്പല്ലുകളായിരുന്നു അതിൽ എത്രയോ പേരുടെ ചോര പുരണ്ടിരുന്നു. ചോരയുടെ നിറം കണ്ട് അതിൻറെ ഉടമയുടെ ശരീരനിറം എന്തായിരിക്കുമെന്ന് ഞാൻ ഉറക്കെ ചിന്തിച്ചു. കറുപ്പോ അതോ വെളുപ്പോ? കറുപ്പിലും വെളുപ്പിലും അത് ചുവന്നിരിക്കുന്നു " ഞാൻ കറുത്ത രക്തം പാനം ചെയ്യാറില്ല " അമ്മാളു പറഞ്ഞു " അത് ദുഷിച്ചരക്തം ആണ് ". " അതിന് നിണം ചുവപ്പല്ലേ? " " ആരു പറഞ്ഞു. ചില രക്തം കറുത്തിരിക്കും ചിലത് ചുവന്നും " ദുഷിച്ച രക്തം കറുത്തിരിക്കും അവർ ചിരിച്ചു. എനിക്കതിഷ്ടമല്ല പല്ലുകളിലെ നിണക്കറ അവർക്ക് ബീഭൽസത നൽകി. ചുണ്ടിലെ ചുവപ്പു ചായത്തിനപ്പുറം അമ്മാളുവിൻ്റെ കാമാതുരമായ കണ്ണുകൾ തിളങ്ങി. ചുണ്ടുകളിൽ കടിക്കാൻ എനിക്കിഷ്ടമാണ്. അപ്പോൾ അവ കൂടുതൽ ചുവക്കും. ചെമ്പനീർ പോലെ അവർ പൊട്ടിച്ചിരിച്ചു. എൻ്റെ ചുണ്ടുകൾ കടിച്ചു പറിക്കുമോ എന്ന് ഞാൻ...
Read more

ഗന്ധർവ്വ ക്ഷേത്രവും സർവം മായയും

-
Image
 മലയാളം ഫാന്റസി സിനിമയായ സർവ്വം മായ എന്ന സിനിമ മലയാളിയുടെ മനസ്സിലേക്ക് അവർ പോലുമറിയാതെ പതുക്കെ കുത്തിവെക്കുന്നത് അന്ധവിശ്വാസത്തിന്റെ ഉൽപരിവർത്തനം വന്ന വൈറസുകളാണ്. അതേ വൈറസുകൾ തന്നെയാണ് രോമാഞ്ചം, നന്ദനം, തുടങ്ങിയ ഫാന്റസി ചിത്രങ്ങളും പങ്കുവെയ്ക്കുന്നത്. ഈ സന്ദർഭത്തിലാണ് 1972 ൽ ഇറങ്ങിയ ഗന്ധർവക്ഷേത്രം എന്ന സിനിമ കാലാതിവർത്തിയായ പുരോഗമന ആശയങ്ങളുടെ പതാക വാഹകൻ ആകുന്നത് 1970 കളിൽ കേരളത്തിൽ നിലനിന്നിരുന്ന പല അന്ധവിശ്വാസങ്ങൾക്കും അനാചാരങ്ങൾക്കും എതിരെ ഉള്ള ഒരു സിനിമ എന്ന നിലയിൽ വളരെ പുരോഗമനപരമായ ആശയങ്ങളാണ് ഗന്ധർവ്വക്ഷേത്രം അവതരിപ്പിക്കുന്നത്. ക്ഷേത്രം പൊളിച്ചു കളഞ്ഞ് ഫാക്ടറി പണിയുമ്പോൾ അവിടെ ജോലി ലഭിക്കുന്നത് ആയിരങ്ങൾക്കാണ് എന്ന് പറഞ്ഞു വെക്കുന്നുണ്ട് ഈ സിനിമ. ഗന്ധർവ്വൻ ബാധയും മറ്റും മാനസിക പ്രശ്നങ്ങൾ  ആണെന്നും അതെല്ലാം കുട്ടിക്കാലത്ത് തെറ്റായ വിശ്വാസങ്ങൾ കുട്ടികളുടെ മനസ്സിൽ അടിച്ചേൽപ്പിക്കുന്നത് കൊണ്ടാണെന്നും പറഞ്ഞുവെക്കുന്നുണ്ട് ഈ സിനിമ. മറ്റൊന്ന് സഹോദരിയെ ഉപേക്ഷിക്കുമെന്ന് ഭീഷണിപ്പെടുത്തുന്ന സതീശനോട് വാസുദേവൻ പറയുന്ന വാക്കാണ്. തൻറെ സഹോദരിയുടെ ജീവിതം അവളുടെ സ്വാതന്ത്ര്യം ആ...
Read more