Live with Money

അദാനിയെ പോലുള്ള ഒരു രാജ്യസ്നേഹിയെ ഞാൻ കണ്ടിട്ടില്ല എന്ന് വേണം പറയാൻ കാരണം അമേരിക്ക പോലുള്ള വികസിത രാജ്യങ്ങളിൽ നിന്നും ധനം സ്വരുക്കൂട്ടി ഇന്ത്യയെ പോലുള്ള പാവപ്പെട്ട രാജ്യങ്ങളിലെ പാവപ്പെട്ട ജനങ്ങൾക്ക് വിതരണം ചെയ്യുന്ന ഒരു നവീന റോബിൻ ഹുഡ് ആണ് ശ്രീ അദാനി.  നിങ്ങൾ സ്വീകരിക്കുന്നത് അമേരിക്ക പോലുള്ള മുതലാളിത്ത രാജ്യങ്ങളിലെ ക്യാപിറ്റലിസ്റ്റ് കോടതികൾ പറയുന്ന ഏകപക്ഷീയമായിട്ടുള്ള ന്യായവാദങ്ങൾ ആണെങ്കിൽ തീർച്ചയായും നിങ്ങൾക്ക് തെറ്റുപറ്റി എന്ന് ഞാൻ പറയും. അമേരിക്കൻ നിയമമായ FCPA (1977) നിയമപ്രകാരം ബിസിനസ്സുകാർ വിദേശികൾക്ക് കൈക്കൂലി കൊടുക്കുന്നത് കുറ്റകരമാണ്.( അപ്പോൾ സ്വദേശികൾക്ക് കൊടുക്കാം എന്നാണോ?) മറ്റൊരു തരത്തിൽ ചിന്തിച്ചാൽ അമേരിക്കൻ സമ്പദ് വ്യവസ്ഥയിൽ നിന്നും $250 മില്യൺ കൈക്കൂലി ഇനത്തിൽ ഇന്ത്യയിൽ ചെലവാക്കി എന്നാണ് കോടതി പറയുന്നത്. ഈ 250 മില്യൺ ഡോളർ ഇന്ത്യൻ സമ്പദ് വ്യവസ്ഥയിൽ വന്നു എന്ന് മനസ്സിലാക്കണം . അതായത് ഇന്ത്യയുടെ വിദേശനാണ്യ ശേഖരത്തിൽ $ 250 മില്യൺ ൻ്റെ വർദ്ധനവ് ഉണ്ടായി. തത്തുല്യമായ തുക അദാനി മുതലാളി കൈക്കൂലി ഇനത്തിൽ കൈമാറി എന്നു പറയുമ്പോൾ അത്രമാത്രം തുക കമ്മട്ടത്തിൽ അടിക്കണം...

ഒരു നാട്ടിൽ ഒരിക്കൽ രണ്ടു ധനികർ എത്തിച്ചേരുന്നു, രാമുവും രാജുവും . ലഭ്യമായ സുഖ സൗകര്യങ്ങളുടെ കസ്റ്റോഡിയന്മാരാണ് ഇവർ പക്ഷെ രണ്ടു വിഭിന്ന ധ്രുവങ്ങളിലെ സ്വഭാവക്കാർ ആണ്. ഇവരുടെ കയ്യിലുള്ള സമ്പത്ത് ചെലവാക്കിയാൽ മാത്രമേ ഇവർക്ക് നാട്ടിലെ പ്രമാണിമാരായി നിലനിൽപുള്ളൂ . ഇവർ രണ്ടു പേരും തങ്ങളുടെ പക്കലുള്ള ധനം തങ്ങളുടെ ആശ്രിതർക്ക് നൽകുവാൻ താൽപര്യമുള്ളവർ ആണ് പക്ഷെ അതിനു മുൻപായി അവർ സന്തോഷിക്കണം, അവരെ സന്തോഷിപ്പിക്കണം. രാജുവിന് സമ്പത്ത് നൽകുവാൻ താൽപര്യമുണ്ടെങ്കിലും ആയത് കൊട്ടിഘോഷിച്ചു നടക്കുവാൻ താൽപര്യമില്ല. എന്നാൽ രാമുവാകട്ടെ തൻ്റെ സമ്പത്ത് തന്നെ പ്രസാദിപ്പിക്കുന്നവർക്ക് നൽകുവാൻ തയ്യാറാണെന്ന് കൊട്ടിഘോഷിച്ചു നടക്കുന്നു. എന്നാൽ സമ്പത്ത് നേടുന്നതിലേക്കുള്ള പാത ഇടുങ്ങിയതും കഠിനവുമത്രെ. ഒരു പക്ഷെവൻ കഷ്ടപ്പാടുകൾക്കു ശേഷവും നിങ്ങൾക്ക് ഇഹത്തിൽ സമ്പത്ത് നേടുവാൻ സാധിച്ചില്ല എങ്കിൽ പരത്തിൽ നേടുവാൻ സാധിക്കും. പരീക്ഷണങ്ങൾ രാമുവിന് ഇഷ്ടമാണ് അതിനാൽ തന്നെ രാമുവിൻ്റെ പരീക്ഷണങ്ങളെ നേരിടുന്നതിനുള്ള എളുപ്പ വഴികൾ ഗ്രന്ഥങ്ങളായി ലഭ്യമാക്കപ്പെട്ടിട്ടുണ്ട്. ധാരാളം കഥകളും ഉപകഥകളും ചൊല്ലുകളും മൊഴികളുമായ...

വജ്രം സ്വർണം ഇരുമ്പ് ചെമ്പ് അതുപോലെയുള്ള മറ്റു മൂലകങ്ങൾ ഈ പ്രപഞ്ചത്തിൽ കാണപ്പെടുന്ന പാറ്റേൺ നിങ്ങൾ ശ്രദ്ധിച്ചിട്ടുണ്ടോ? ഒരുമിച്ചാണ് ഇവ കാണപ്പെടുന്നത്. എന്തുകൊണ്ട് ഈ പ്രപഞ്ചത്തിൽ അത് ചിതറി കിടക്കുന്നില്ല ? ചിതറിക്കിടക്കുന്നു എന്നു പറയുമ്പോഴും ചിതറിക്കിടക്കുന്ന ആ സ്ഥലങ്ങളിൽ അവ അവരുടെതായ കൊച്ചു കോളനികളിൽ ആയാണ് നിലകൊളളുന്നത്. പ്രപഞ്ചത്തിൽ ഗാലക്സികൾ ഒരുമിച്ച് കാണപ്പെടുന്നു. ഭൂമിയുടെയും വ്യാഴത്തിന്റെയും ചൊവ്വയുടെയും ഇടക്ക് പെട്ടുപോയ മീറ്ററോയിഡുകൾ മറ്റ് അത്തരം പ്രാപഞ്ചിക വസ്തുക്കൾ ഇവയൊക്കെ തന്നെ പ്രകൃത്യാ സംഘങ്ങൾ ആയാണ് കാണപ്പെടുന്നത്. ഇവയൊക്കെ തന്നെ സ്വന്തം വ്യതിരിക്തത കാത്തുസൂക്ഷിക്കുന്നതിന് ബദ്ധപ്പെടുന്നു. ഈ അജൈവ വസ്തുക്കൾ തങ്ങളുടെതായ കോളനികൾ സൃഷ്ടിക്കുമ്പോൾ അവയിൽ നിന്നും ഉത്ഭവിച്ച സചേതനവസ്തുക്കൾ ( അതിൽ നമ്മളും പെടും) വ്യത്യസ്തമാകുന്നത് എങ്ങിനെ?  മനുഷ്യരാശിയുടെ ചരിത്രം വിഭജനത്തിന്റേതാണ്. ദൈവവിശ്വാസികൾ അവരെ സാത്താനും ദൈവവും , ആദാമും കായീനും, ദേവന്മാരും അസുരന്മാരും,  ആയി വിഭജിച്ച ചരിത്രം!. ശാസ്ത്രജ്ഞന്മാർ അവയെ പോസിറ്റീവും നെഗറ്റീവും ആയും ഭൗമ ശാസ്ത്രജ്ഞരും ചരിത്രകാരന്...

"പരിണാമത്തിന്റെ ഏറ്റവും വലിയ പ്രത്യേകത അത് ചെറിയ ചെറിയ മാറ്റങ്ങൾ മൂലം ഉണ്ടാകുന്നതാണെന്നും ആ മാറ്റം നിങ്ങൾക്ക് അനുഭവപ്പെടില്ല എന്നുള്ളതാണ് "  (പുലക് പ്രസാദ്, നളന്ദ ക്യാപിറ്റൽ) ഡിജിറ്റൽ ചിത്രങ്ങൾ എന്നത് പിക്സൽ എന്ന ചെറിയ പൊട്ടുകൾ കൊണ്ടുള്ള സങ്കേതങ്ങളുടെ ആകെ തുകയാണ്. ഒരു പിക്സൽ മാത്രം കാണുന്ന ആൾക്ക് എന്തായിരിക്കും ആ ചിത്രം എന്നത് ഒരിക്കലും ഗണിക്കുവാൻ കഴിയില്ല.ഒരിക്കലും ഒരു വലിയ ചിത്രം  ഗോചരമല്ലാത്ത ചെറിയ ചെറിയ മാറ്റങ്ങളാണ് എതിർപ്പുകൾ നേരിടാതെ ഒരു ജനതയെ പരുവമാക്കുന്നതിന് ഏറ്റവും നല്ല കാര്യം. ഇന്ത്യ മഹാരാജ്യത്തെ സ്വേച്ഛാധിപരമായി ഭരിക്കണം എങ്കിൽ ജനങ്ങളെ ആ ഒരു രീതിയിലേക്ക് പരുവപ്പെടുത്തണം അത്തരം പരുവപ്പെടുത്തലിന് ചെറിയ ചെറിയ കാര്യങ്ങൾ കൊടുത്ത് അവരെ തൃപ്തിപ്പെടുത്തണം .കണ്ണിൽ വരാത്ത വിധം മാറ്റങ്ങൾ കൊണ്ടുവരുമ്പോഴാണ് രാജ്യത്തിനെ തൻറെ അധികാരമുഷ്ടിക്കകത്ത് കൊണ്ടുവരുവാൻ ഒരു ഏകാധിപതിക്ക് സാധിക്കുകയുള്ളൂ. ഹിറ്റ്ലർ എന്നയാളെ ചരിത്രത്തിൽ രേഖപ്പെടുത്തിയിട്ടുള്ളത് ക്രൂരനായ ഒരു ഏകാധിപതി എന്ന നിലയ്ക്കാണ്. എന്നാൽ ഹിറ്റ്ലറിന്റെ ചരിത്രം ജർമ്മനിയിലെ ആളുകൾ പറയുന്നത്  എന്താണ് എന്നത് കൂടി മനസ്സിലാക്കി...

  പ്രകൃതി ദുരന്തങ്ങൾ വരുമ്പോൾ എല്ലായ്പ്പോഴും കേൾക്കുന്ന ഒന്നാണ്  ദുരന്തങ്ങൾ നടന്ന സ്ഥലങ്ങളിൽ ജനങ്ങൾക്ക് നൽകുന്ന നഷ്ടപരിഹാര പാക്കേജു വളരെ കുറവാണ് അപര്യാപ്തമാണ് എന്നൊക്കെ . എപ്പോഴാണ് ഒരു പാക്കേജ് പര്യാപ്തമാകുന്നത്? എങ്ങനെയാണ് ആ പാക്കേജ് അയാൾക്ക് പര്യാപ്തമാണ് എന്ന്  കണക്കാക്കുന്നത്? ഒരു വർഷം പതിനായിരം രൂപ സമ്പാദിക്കുന്ന ഒരു വ്യക്തിക്കും ഒരു ലക്ഷം രൂപ സമ്പാദിക്കുന്ന വ്യക്തിക്കും ഒരേ നഷ്ടപരിഹാരം പര്യാപ്തമാകുമോ?  1.എന്തിന് നഷ്ടപരിഹാരം നൽകണം?  പ്രകൃതി ദുരന്തം സംഭവിച്ചു കഴിയുമ്പോൾ അവിടെ ഒരു വ്യക്തിയുടെ അല്ലെങ്കിൽ ഒരു സമൂഹത്തിൻറെ ഉപജീവനമാർഗ്ഗവും സമീപകാലത്തേക്കുള്ള വരുമാനഷ്ടവും ഉണ്ടാവുകയാണു ചെയ്യുന്നത്. ഇത് ആ സമൂഹം അഥവാ വ്യക്തി പ്രതിനിധാനം ചെയ്യുന്ന സമ്പദ് വ്യവസ്ഥയെ ചെറിയൊരു കാലത്തേക്ക് സാമ്പത്തികമായി ഞെരുക്കിയേക്കാം. ഒരുപക്ഷേ അവിടുത്തെ വരുമാന രീതികൾ തന്നെ മാറിയേക്കാം. അങ്ങനെ വരുമ്പോൾ രാജ്യത്തിൻറെ സമ്പത്ത് സ്രോതസ്സിലേക്ക് ആ സമൂഹം നൽകുന്ന വരുമാനത്തിൽ ഇടിവു ഉണ്ടാവുകയും സാമ്പത്തിക ഞെരുക്കത്തിലേക്ക് നയിക്കുകയും ചെയ്യാം. ഇത് ഒഴിവാക്കുന്നതിനും ആ പ്രദേശത്തെ ആ സമൂഹത്ത...

 പരുത്തിയിൽ നിന്നോ കമ്പിളിയിൽ നിന്നോ ഉണ്ടാക്കിയ നാടൻ തുണിയാണ് ഖാദി.  ഇത് ഇന്ത്യയുടെ സ്വാതന്ത്ര്യ പ്രസ്ഥാനത്തിൻ്റെയും സ്വയംപര്യാപ്തതയുടെയും ഗ്രാമീണ വികസനത്തിൻ്റെയും പ്രതീകമാണ്. ഖാദിയുടെ ഉത്ഭവം  ബ്രിട്ടീഷ് കൊളോണിയൽ ഭരണത്തിൽ നിന്നുള്ള സ്വാതന്ത്ര്യത്തിനായുള്ള ഇന്ത്യയുടെ പോരാട്ടത്തിലാണ് ഖാദി എന്ന ആശയം പ്രാമുഖ്യം നേടിയത്. പ്രസ്ഥാനത്തിൻ്റെ പ്രധാന നേതാക്കളിലൊരാളായ മഹാത്മാഗാന്ധി ഇന്ത്യൻ ജനതയെ ശാക്തീകരിക്കുന്നതിനും ബ്രിട്ടീഷ് നിർമ്മിത വസ്തുക്കൾ ബഹിഷ്കരിക്കുന്നതിനുമുള്ള ഒരു മാർഗമായി ഖാദിയെ പ്രോത്സാഹിപ്പിച്ചു.  ഖാദി ധരിക്കുന്നതിലൂടെ ഇന്ത്യക്കാർക്ക് തങ്ങളുടെ രാഷ്ട്രീയ സ്വാതന്ത്ര്യം ഉറപ്പിക്കാൻ മാത്രമല്ല, ഗ്രാമീണ ഇന്ത്യയുടെ സാമ്പത്തിക സ്ഥിതി മെച്ചപ്പെടുത്താനും കഴിയുമെന്ന് അദ്ദേഹം വിശ്വസിച്ചു. സ്വാതന്ത്ര്യ സമരത്തിൽ ഖാദിയുടെ പ്രാധാന്യം   1. സാമ്പത്തിക ശാക്തീകരണം : ദശലക്ഷക്കണക്കിന് ഇന്ത്യക്കാർക്ക്, പ്രത്യേകിച്ച് ഗ്രാമപ്രദേശങ്ങളിൽ താമസിക്കുന്നവർക്ക് തൊഴിൽ നൽകുന്നതിനുള്ള ഒരു മാർഗമായി ഖാദി സ്വീകരിക്കണമെന്ന് ഗാന്ധി വാദിച്ചു.  ഖാദി നൂൽക്കുകയും നെയ്യുകയും ...

മാറിയ അന്താരാഷ്ട്ര ജിയോ പൊളിറ്റിക്സ് സാഹചര്യങ്ങളിൽ അമേരിക്കയുടെ അപ്രമാദിത്വത്തിന് ഇടിവ് തട്ടുകയും ബദൽ സാമ്പത്തിക ശാക്തിക ശക്തികളായി ഇന്ത്യ ചൈന റഷ്യ തുടങ്ങിയ രാജ്യങ്ങൾക്ക് അവരുടെ കമ്പോളത്തിന് വലിപ്പത്തിന്റെ ശക്തികൊണ്ട്   കൂടുതൽ പ്രാധാന്യം കൈവരികയും ഡോളറിന്റെ  അപ്രമാദിത്വത്തിന് ഇടിവ് തട്ടുകയും ചെയ്യുന്ന ഒരു സാഹചര്യം ഉളവായത് ലോക പോലീസ് ചമയുന്ന അമേരിക്കയുടെ താൽപര്യങ്ങൾക്ക് ഘടകവിരുദ്ധമായ വസ്തുതകളാണ് . ഡോളർ എന്ന നാണ്യ വിനിമയ മാധ്യമത്തെ ഒഴിവാക്കിക്കൊണ്ട് രാജ്യങ്ങൾ പരസ്പരം ഇടപാടുകൾ നടത്തുന്നത് അന്താരാഷ്ട്ര വിപണിയിൽ അമേരിക്കയുടെ സാമ്പത്തിക ശാക്തിക ശക്തികൾക്ക് ഇടിവ് തട്ടുന്ന ഒരു വ്യവസ്ഥ കൊണ്ടുവരികയും അതിനെ കാലേകൂട്ടി പ്രതിരോധിച്ചില്ല എങ്കിൽ ലോകചരിത്രത്തിന്റെ ഭൂപടത്തിൽ അമേരിക്ക എന്ന രാജ്യത്തിൻറെ അപ്രമാദിത്വം നഷ്ടപ്പെടുന്ന രീതിയിൽ , ബ്രിട്ടന് സംഭവിച്ചത് പോലെ സൂര്യൻ അസ്തമിക്കാത്ത വ്യവസായിക സാമ്രാജ്യത്തിന്റെ ഉടമയായ അമേരിക്കയ്ക്ക് അവരുടെ പ്രസക്തി നഷ്ടപ്പെടുകയും ചെയ്യും എന്നതാണ് അമേരിക്ക നേരിടുന്ന ഒരു വലിയ പ്രശ്നം.  അമേരിക്കയുടെ ഭീഷണി ബദൽ ശക്തികളായി വളർന്നുവരുന്ന ചൈന റഷ്യ ഇന്ത്യ തുടങ്ങിയ...